Kades Ngamuk Gara Gara Efisensi

CIANJUR.Maharnews.com- Mang Ubed orang Sadang serang nu kaleresan mangku jabatan Kepala Desa, ngadadak ngamuk ka Mang Koplak anu dipercaya ngajabat juru tulis jeng juru itung. 

"Koplak dimana silaing…. Koplak dimana atuh maneh… Koplak… Koplak,"Kades  Ubed gogorowokan neangan Mang Koplak bari katingali ambek pisan. 

Teu kungsi lila Mang Koplak datang ti belah tukang kantor desa bari katingali rada lulungu jiga karek hudang sare. 

"Eh tong gogorowokan kitu atuh pa kades, isin ih ku batur," tembal Mang Koplak bari nyangharep ka dunungan na“Euh sok baku maneh mah wayah kieu heeus. Ieuh koplak kuring bieu di bank emok era kacida gara-gara kalakuan silaing" Kades Ubed rada nyereng ka Mang Koplak. 

Tah sok baku dunungan teh, aya masalah jeung bank emok uing nu disalahkeun, padahal mah uing teu nyaho nanaon. Teu salah… teu salah, justru ieu masalah teh dijieun ku didinya. 

Na masalah naon atuh pa Kades..? tanya mang Koplak. Denge ku jejewir maneh, pas uing bieu rek setor duit hasil sewa carik desa ditolak lantaran duit na kabeh sapotong jiga menang ngaguntingan.. atuh uing teh era nepi batur kabeh ningali, kumaha mun uing disangka muja lantaran duit uing sapotong kabeh. 

Astgafirulloh pa Kades, ieu berarti dina masalah ieu pak Kades jeung pagawe bank tara ningali berita jeung tara maca kana aturan anyar ti Presiden, tembal Mang Koplak jiga nu bener. 

Subhanalloh… koplak… koplak na jadi mamawa presiden geus kurang otak maneh mah. 

Nu kurang mah pak kades, ieuh geus presiden teh nitah efisiensi nu artina sarupaning duit jang nanaon ge kudu dipotong setengah-setengah, lantaran nagara ker butuh jang mayar tukang sangu nu sok mere dahar haratis ka budak sakola. Tak kitu pa kades kudu dijentrekeun mah. 

Terus … terus maneh kumaha?.Nya uing mah da juru itung anu sok ningali berita jeung taat aturan, jadi duit 20 juta jang ditabungkeun teh, ku uing diguntingan supaya setengah jang nabung setengah jang balanja nu lain.. tah eta efisiensi teh ari pa Kades teu apal mah, nu kieu wae kades teh kudu dibejaan. 

“Sia nu goblok koplak, lain kalah efisiensi nu aya uing jeung maneh kudu ngalakbanan duit potong" Kades Ubed nyengor bari jeung nepak tarang terus nitah Mang Koplak ka dapur nyieun kopi hideung. 

Teu kungsi lila Mang Koplak datang deui mikeun kopi hideung nu dipesen dununganna.“Ieu Kopi teh, geus atuh tong jadi manjang masalahna,"ceuk Mang Koplak bari nyodorkeun kopi.“manjang… manjang we, puguh masalah maneh mah teu pinter pinter,” ceuk Kades Ubed terus nyuruput kopi. Puah.. ah gelo sugan, Kades Ubed ngaburakeun kopi ka Mang Koplak “Aduh pa kades mah nepi kitu.. kunaon kopi na diburakeun ka uing,”Mang Koplak ambek bari nyusut beungeutna tina cai kopi. 

"Maneh ieu nyieun kopi make naon rasa teu kaditu kadieu,”Kades Ubed nanya deui ka mang Koplak. 

Mang koplak ngajwab bari ngaleos. Pan Ceuk uing ge efisiensi, kopi na ku uing di ganti ku areng meh murah. Kades Ubed nu ambek makin ambek tapi teu bisa nanaon lantaran anak buah na memang koplak. 

NGAWANGKONG SONTEN BY RUSTANDI